“Konsumatorët shqiptarë preferojnë të blejnë mallra dhe produkte duke u paraqitur fizikisht në njësitë tregtare, ndryshe nga vendet e tjera europiane që përdorin gjithnjë e më shumë internetin për të porositur.’’

Në fakt, i gjithë Ballkani përdor internetin më pak për të blerë, sipas një harte të fundit të Euostat, me më pak se 38% që porosisin produkte online. Në vitin 2019, të dhënat më të fundit të disponueshme për Shqipërinë, vetëm 7% e konsumatorëve shqiptarë përdorën internetin për të porositur mallra apo shërbime, nga 5% një vit më parë.

Kjo shifër është shumë më e ulët edhe se fqinjët. Maqedonia e Veriut e kishte këtë shifër 29% në 2019 dhe 34% në 2020, Serbia 34 dhe 38% përkatësisht, Bosnja 23 dhe 28%, Mali i Zi 16% dhe 23%. Rekordin e mban Kosova, me 38% në 2019 dhe 46% në 2020. Kosova madje ka përdorim më të lartë të internetit për blerje private se Italia, Greqia, Portugalia.

Megjithatë, mesatarja rajonale është shumë më e ulët se në vendet e tjera të Bashkimit Evropian. Sipas Eurostat, në vitin 2020, rreth 65% e të gjithë të rriturve (mosha 16-74) në BE blenë/porositën mallra ose shërbime në internet gjatë 12 muajve para anketës. Të rinjtë e moshës 25-34 vjeç kishin 2.5 herë më shumë gjasa të kishin përdorur internetin për të bërë blerje (83%) sesa njerëzit e moshës 65-74 vjeç (33%).

Blerja në internet është bërë më e zakonshme në BE pasi përdorimi i internetit është i përhapur në të gjitha moshat. Konsumatorët vlerësojnë aksesin në një gamë të gjerë produktesh në çdo kohë, kudo, me përfitimin e shtuar të çmimeve speciale. Ngjarjet si e Premtja e Zezë, si dhe e Hëna në internet, janë disa nga rastet kur blerjet në internet kanë përparësi ndaj kalendarit.

Rajoni i kryeqytetit danez Hovedstaden regjistroi tendencën më të lartë për të përdorur tregtinë elektronike (91%) në të gjitha rajonet e BE-së, i ndjekur nga rajoni danez i Midtjylland dhe rajoni holandez i Utrecht, të dyja 90%.

E kundërta, katër rajone në Bullgari kishin peshën më të ulët në vitin 2020: Severen tsentralen (25%), Yuzhen tsentralen dhe Yugoiztochen (të dyja 26%) dhe Severozapaden (27%).

Source: https://albaniandailynews.com/news/albania-last-in-europe-for-buying-products-online